Vendimi i komitetit ekzekutiv është marrë në vitin 1958, ku përveç marrjes së sasisë së tokës truall të ndjerit Sabri Shefa, në të njëjtin proces verbal, ka vendime edhe për shtatë shtetas të tjerë.
Më këto vendime gjyqtarja Xhili, kërkon të asgjësojë dokumentin individual të Shefës, kur ky dokument është në arkivën e shtetit dhe ka vendimet që janë marrë për shtatë qytetarë të tjerë të Lushnjës, të cilët nuk kanë qenë as persona nën hetim dhe as kanë pasur dijeni për gjykimin.
Pas vendim të gjykatës Lushnjë, shtetasi Sefedin Shefa ka apeluar vendimin në gjykatën e Apelit Tiranë, duke kërkuar pafajësinë, kjo pasi vendimi është marrë në kundërshtim të ligjit. Theksojmë që çështja për të cilën hetoi prokuroria e Lushnjës është përdorur si artific për të pezulluar gjykimin civil pasi ezaurimit të gjitha përpjekjeve të Ferit Tabakut për të mos lejuar çuarjen përpara të gjykimit civil sepse nënvizojmë faktin që ka një vendim të formës prerë me datën 03. 02. 2015.
Vendimi i cili edhe pse i është bërë rekurs nga Ferit Tabaku, Gjykata e Lartë dhe kolegji penal i kësaj gjykate me dt. 10. 09. 2015 ka vendosur mos pranimin e rekursit. Pasi në vendimin e kësaj gjykate në paragrafin e tretë të këtij vendimi shprehet “Se dokumentet e paraqitura nga ana e Ferit Tabakut janë të falsifikuara“.
Prokurorja Merita Selimi edhe pse në dijeni të këtij vendimi, i mori vendim bazuar mbi këto dokumente të falsifikuar dhe që ishte kërkuar asgjësimi i tyre. Gjatë procesit gjyqësor gjykata nuk mori parasysh faktin që dokumentet për të cilën akuzohej Sefedin Shefa nuk janë përdorur nga ana e tij edhe pse dokumenti për të cilën akuzohej nuk u vërtetua nga akuza apo më pas nga gjykata si i falsifikuar.
Pas dhënies së vendimit nga ana e gjykatës Lushnjë, Sefedin Shefa apeloi vendimin në gjykatën e Apelit të Juridiksionit të Përgjithshëm, Tiranë duke kërkuar pafajësi. Ndërkohë që prokurorja Merita Selimi ankimoi vendimin e gjykatës Lushnjë pjesërisht, duke kërkuar dënimin me burgim të Sefedin Shefës. Pasi sipas saj shtetasi Sefedin Shefa paraqet rrezikshmëri shoqërore.
Interesant është fakti që megjithëse prokurorja Merita Selimi kundërshton vendimin e gjykatës Lushnjë të dhënë me datë 16.03.2023, duke apeluar vendimin e gjykatës Lushnjë, ajo me datë 02.05.2023 ka dërguar urdhrin ekzekutimi për shtetasin Sefedin Shefa, i cili sipas saj duhet të paraqitet në zyrat e shërbimit të provës me datë 05. 05. 2023 edhe pse vendimi i gjykatës shkallës parë Lushnjë nuk ka marrë vendim të formës prerë.
Takimi në zyrën e shërbimit të provës:
Denoncuesi– Me datë 8 erdha edhe një herë këtu…
Inspektori shërbimit provës- Kush jeni, kush jeni?
Denoncuesi– Sefedin Shefa jam.
Inspektori shërbimit provës- Më jep një kartë identiteti, nuk mund të flas me dikë në qoftë se nuk e identifikoj.
Denoncuesi – Unë jam personi dhe po vij me letrën tuaj. Unë kam dërguar një letër në rrugë postare dhe letra është kthyer me firmë tek mua.
Inspektori shërbimit provës- Nuk mund të flas se mund të jesh ti, mund të jetë vëllai jot. Ne bëjmë procedurën ligjore.
Denoncuesi – Çfarë procedure? Edhe unë ligjore ta solla letrën këtu, nuk e mbajte e dërgova në rrugë postare.
Drejtoresha e shërbimit provës – Çfarë ke?
Denoncuesi – Ndoshta nuk më njihni ju, po shkoj të marrë kartën (identitetit) a si të doni ju?
Drejtoresha e shërbimit provës – Për efekt institucional dhe zyrtarë do paraqitesh me dokument identifikimi.
Denoncuesi – Ke të drejtë. Në qoftë se nuk doni të prisni shkoj e marr dhe vij. Tani një sqarim të vogël kam tani për këtë letrën tuaj.
Drejtoresha e shërbimit provës- A u sqarove me Desartin, po të dëgjoja.
Denoncuesi – Po se ka ai emrin këtu, e keni ju. Me datën 9 ka ardhur me rrugë postare, një kërkesë e imja këtu dhe më është kthyer përgjigjja mua se është marrë letra dhe është firmosur nga një nëpunës i juaj këtu.
Drejtoresha e shërbimit provës- Po, ti ke bërë një kërkesë ankimore që e ke bërë për dijeni
Denoncuesi– Po
Drejtoresha e shërbimit provës- Për dijeni
Denoncuesi– Po
Drejtoresha e shërbimit provës- Fakti që është për dijeni, nuk është direkt për ne. Është për institucion tjetër…
Denoncuesi – Nuk duhet të më ktheni përgjigje?
Drejtoresha e shërbimit provës- Jo pra
Denoncuesi– Domethënë nuk ka efekt këtu tek ju.
Drejtoresha e shërbimit provës – Ne thjesht kemi dijeni. Ju jeni drejtuar prokurorisë me një kërkesë e kemi marr e kemi future në dosje aty është kërkesa.
Denoncuesi– Mua më intereson nëse ka efekt kjo letër që keni marr për të më kthyer përgjigje?
Drejtoresha e shërbimit provës- Për efekt për përgjigje nuk ka.
Denoncuesi – Ja ku është letra e prokurorisë ma dha punonjësi i policisë jua ka sjellë edhe ju.
Drejtoresha e shërbimit provës- Për dijeni degës së shërbimit provës. Thjeshtë marrim dijeni për veprimet që po bëhen. Si mbas hapave.
Denoncuesi – Faleminderit. Unë mendoj se duhet të më ktheni përgjigje.
Drejtoresha e shërbimit provës- Ne kemi dijeni e kemi marr është e administruar dhe është në dosje kërkesa.
Denoncuesi – Ashtu?
Drejtoresha e shërbimit provës- Po, po
