Kryeministri Edi Rama ka thënë se ai e kishte ndarë mendjen që pas takimit të fundit të Presidentit se negociatat kishin përfunduar.
‘’Ata nuk ishin dakord atëherë kur ishte koha. Zgjedhjet nuk janë lojë, kush jemi ne t’i themi popullit që nuk do të mbajë zgjedhje.
Ju siguroj që nuk iu kanë ardhur mendtë. Kështu që ajo që pretendon Partia Demokratike është një lojë që vazhdon, ndërsa ne vazhdojmë rrugën për të bërë shtet. Dhe e fundit që dua t’ju them se nuk dua të flas më gjatë sot.
Ajo që është zhvilluar nuk është një negociatë mes meje dhe Lulzimit, e kam thënë që në takimin e fundit te Presidenti, që për mua çështja ka mbaruar. Dhe që kur nuk pati një reagim pas tërheqjes nga Kavaja unë nuk kam më çfarë bisedoj. Ashtu siç janë dorëzuar partnerët tanë europianë dhe këtë e thotë dhe letra e eurokomisionerit Hahn.
Kjo është një përpjekje e partnerëve amerikanë. Unë nuk flas në emër të Amerikës, ata e bëjnë. Ata po përpiqen ta bëjnë, po përpiqen të turbullojnë opinionin publik.
Basha ka në tavolinë një propozim timin dhe sa më takon mua bën mirë që ta pranojë, një gjë është e sigurt ne nuk luajmë me Shqipërinë, nuk luajmë me njerëzit e këtij vendi.
Duhet vlerësuar deri në minutën e fundit përpjekja e miqve ndërkombëtarë, por ama një gjë po ju thm. E gjithë kjo histori e ka rrënjën te frika e tyre nga Drejtësia. Kjo dëshira e tyre e lindur pa pritur dhe pa kujtuar që të votojnë vettingun është një lojë.
Nuk po na bëjnë ndonjë dhuratë, thjesht duhet ta kishin votuar. Nëse sot ata nuk pranojnë deri në orën 12 atë që kanë në tavolinë, Parlamenti i dalë nga 18 Qershori do të miratojë Vettingun në rastin e parë të mbledhjes së tij’’, u shpreh Rama
(E.K/SHUPLAKA)
Discussion about this post