Ai njihet nga të gjithë si një nga stilistët shqiptar më të suksesshëm. Fjalën e kemi për Ardi Asllanin i cili vjen për shqiptarët me një koleksion të ri. Stilimet e tij të fundit ia ka veshur modeles së njohur Ardiola Dushit. “My Albania”, quhet ky koleksion. Më këtë stilisti synon që nismën e tij, ta shtrijë më gjerë, jo vetëm në fustane, por edhe në rroba casual, që të bartim me vete kalatë, ujëvarat, kullat, a urat që karakterizojnë qytetet tona.
“I dhashë vetes sime një hapësirë, për të krijuar në një dimension që duhej të ishte dimensioni i punës së përditshme. Krijimi nga zero, krijimi nga fleta e bardhë me laps karboni, për të mbërritur deri te realizimi final”, shprehet sitlisti për Revista Who.
Më tej ai shton se “My Albania” është një titull që është përdorur shumë herë. “Nuk jam unë i pari që e bëj, por ky titull është më gjithëpërfshirësi, ndaj nuk e quaj një zbulim të jashtëzakonshëm. Është përdorur dikur nga Ministria e Kulturës për promovimin e vlerave turistike e ky koleksion është në një farë mënyre, promovim i vlerave shqiptare, por në një formë tjetër”, shton më tej stilisti.
Përsa i përket se ku e gjeti këtë titull dhe si i erdhi si frymëzim stilsti shprehet se ishte në rrugët e New York-ut.
“Ishim nëpër rrugët e New York-ut kur po bënim foto me modelen shqiptare Adrola Dushi, me fotografin Bashkim Hasani. Njerëzit ndalonin nëpër rrugë dhe pyesnin, ‘ku mund t’i gjejmë këto veshje dhe çfarë përfaqësojnë ato veshje’. Kur i shpjegoje se në këtë veshje është një qytet, ata reagonin shumë mirë, futeshin dhe kërkonin imazhe të qytetit”, tha stilisti. (J.V.Shuplaka)
[ngg_images source=”galleries” container_ids=”1727″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post