Pas pezullimit nga detyra të Rustem Plakës, me detyrë Shef i Qarkullimit në Vlorë, i cili u kap duke luajtur futboll ditën e sotme në pyllin e Sodës me 9 persona të tjerë, ka vepruar menjëherë Drejtori i Përgjithëm i Policisë së Shtetit, Ardi Veliu.
Veliu, u ka nisur një mesazh drejtuesve të Policisë në qarqe dhe shefave të komisariateve, që të monitorojnë me përgjegjësi zbatimin e masave, jo vetëm për qytetarët por edhe për vartësit e tyre, ndërkohë që këtë ngjarje Veliu e ka quajtur skandaloze.
Mësohet se Veliu është treguar shumë kritik me drejtorinë e Vlorës, Elbasanit dhe Shkodrës. Drejtori u Policisë së Shtetit ka kërkuar që gjatë të dielës punonjësit e policise të ndahen në patrulla këmbësore dhe së bashku me punonjësit e forcave të ndërhyrjes së shpejtë të mos lejojnë grumbullime apo thyerje karantine nga qytetarët.
Po kështu, ai ka urdhëruar vartësit, që nga e hëna të kenë një të inpenjohen më shumë, pasi do të hyjnë në fuqi edhe masat lehtësuese për COVID-19.
Discussion about this post