Shumë zëra e komentuan si diçka negative që nuk duhej bërë kur filluan punimet e stadiumit “Arena Kombëtare”.
Është fjala për fasadën e Bosios, arkitektit që e projektoi stadiumin “Qemal Stafa”.
Faktorë të ndryshëm mendonin se ajo fasadë duhej ruajtur, i pjesë e identitetit të stadiumit.
Për shkak të punimeve u desh që të hiqej fasada për të mos e dëmtuar dhe për të krijuar lehtësi në punimet për “Arenën Kombëtare”.
Për të shuar këtë debat, arkitekti i stadiumit të ri, Mario Casamonti, në një dalje për mediat së bashku me kryetarin e bashkisë së Tiranës ka sqaruar ndër të tjera se në “Arenën Kombëtare” do të rimontohet fasada e arkitekti Bosio.
“Jemi pothuajse në gjysmën e punimeve sepse pjesa më e ndërlikuar në ndërtimin e stadiumit janë punimet nëntokësore, dhe punimet për shembjen e stadiumit të vjetër, mbrojtja e pjesës monumentale, çmontimi i fasadës së arkitektit Bosio, që do ta rimontojmë. Jemi në një fazë, ku po nisim të montojmë strukturën e çeliktë. Sigurisht, çeliku është më i shpejtë, ndaj kemi vendosur të bëjmë gjithë pjesën e lartë të stadiumit me strukturë të çeliktë. Do të përfundojë pas 15 muajsh. Shqipëria duhet të krenohet me këtë, pasi është një sipërmarrje shqiptare që punon shumë mirë dhe kontribuojmë si skuadër projektimi italiane, por kemi gjetur punëtorë të jashtëzakonshëm në Shqipëri”, tha Casamonti. (B.H/Shuplaka)
