Pas deklaratës së Baton Haxhiut, se e vetmja që e meriton të jetë në krye të Partisë Demokratike është Argita Berisha, vajza e ish-kryeministrit Sali Berisha, ka reaguar studiuesi i njohur Koço Danaj.
Danaj i cili njihet për tezat e tij mbi Shqipërinë Natyraleka akuzuar analistin Haxhiu, se po kërkon destabilizimin e vendit.
“Rezidenti i shërbimit sekret serb, bashkëpuntori i Stanishiqit, Baton Haxhiu punon dhe kërkon destabilizimin e Shqipërisë”, ka shkruar Danaj në një postim në Facebook.
Kujtojmë se në prag të zgjedhjeve për kryetarin e Partisë Demokratike, analisti Baton Haxhiu ka habitur me deklaratën e tij ndërsa ishte i ftuar në emisionin “Komiteti” të gazetarit Berat Buzhala.
Sipas Baton Haxhiut, postin e kreut të PD-së e meriton Argita Malltezi, vajza e ish-liderit të kësaj force politike, Sali Berishës.
“Argita është për mua ndoshta femra që e meriton me qenë në PD. Është më e zgjuar se Luli, është më e zgjuar se Berisha!… Argita është ndër femrat e rralla që ka karizëm! Që ka dije por e kundërta e saj është vllau… e mendoj se ajo nuk hyn në politikë pikërisht prej vëllait. Ai është në show bizz. Po të mos ishte Shkëlzeni, do të ishte liderja më e mirë e PD-së.”, është shprehur analisti.
(D.D/Shuplaka)
Discussion about this post