Ai është golashënuesi i parë në historinë e saj, i pari në asistime, i pari në paraqitje. Lojtari që e kapi për dore dhe e drejtoi si kapiten dhe protagonist absolute në fitimin e Botërorit, Kupës së Amerikës dhe Finalissima. Lionel Messi është legjenda absolute e kombëtares argjentinase dhe te “Albiceleste” po përgatiten të vazhdojnë kujtimin e tij edhe pasi të lërë futbollin.
Konkretisht, sipas presidentit të Federatës, Klaudio Tapia , kur “Pulga” të largohet nga kombëtarja, do të tërhiqet numri “10” për nder të tij përjetë.
“Kur Messi të tërhiqet nga kombëtarja, ne nuk do të lejojmë që dikush tjetër të mbajë numrin ‘10’ pas tij. Ai numër “10” do të tërhiqet përjetë për nder të tij. Është më e pakta që mund të bëjmë për të”, tha presidenti i AFA për një gazetë argjentinase.
Messi me fanellën e vendit të tij numëron 180 paraqitje me 106 gola dhe 55 asistime, duke qenë i pari në çdo kategori, ndërsa me të ka arritur në dy finale të Kupës së Botës, nga të cilat në të fundit u kurorëzua kampion bote si MVP i turneut me shtatë gola. dhe tre asistime. Shënoi dy gola në finale, duke u bërë lojtari i parë që shfaqet në një Kupë Bote dhe lojtari që gjen rrjetën në çdo fazë eliminatore të kompeticionit (16, çerekfinale, gjysmëfinale, finale).
