Gazetari dhe moderatori i emisionit “Opinion”, Blendi Fevziu, në një shkrim të tijin, argumenton se përse duhet bërë votimi dhe numërimi elektronik.
Sipas tij, një sistem i tillë është realizuar në shumë vende afrikane dhe ka funksionuar.
Kështu, sipas tij, Shqipëria do të ketë pas vitit 1992 zgjedhje të pakontestuera.
Ja çfarë shkruan Blendi Fevziu:
“Opozita ka kërkuar votim elektronik duke tentuar që çdo person të jetë përgjegjës për votën e tij. Masa është tejet e logjikshme dhe ka funksionuar në shumë vende në Afrikë.
Në Nigeri, rrotacioni i pushtetit nga Presidenti në fuqi, Xhonatan Gudluk tek Presidenti aktual Muhamadu Buhari u realizua më 2015 vetëm kur në vend u aplikua votimi elektronik. Në këtë rast, u vërtetua se numri i atyre që votonin realisht ishte afro 9 % më i vogël se sa ai që ndodhte në votimin jo elektronik. Nuk ka asnjë rëndësi se si do të jetë rezultati në këtë rast.
Mbase ai nuk mund të ndryshojë asgjë, por votimi elektronik heq një dyshim jo të vogël të mënyrës së votimit në Shqipëri”, shkruan ai.
Fevziu shton se duhen kontrolluar edhe financimet e partive politike, të cilat pjesën më të madhe të burimeve financiare e kanë të dyshimtë. (A.R/SHUPLAKA)
Discussion about this post