Gazetari Arian Çani u ndal tek protesta e opozitës saj të fundit për ‘luftë’. Çani i konsideroi thirrjet e kryetarit të PD-së, Lulzim Basha jo si thirrje lufte, por si poezi. Nga ana tjetër ai sugjeroi që në protestë mund të mungonte dhe fjalimi politik, pasi sipas tij një qeveri rrëzohet dhe nga heshtja popullore.
“Unë jam paqësor dhe nuk jam për gjuhën e dhunës. Fjalët nuk janë tabu, dhe nuk duhet të fshihen. S’dua të paragjykoj fare Bashën, mundohem ta mirëkuptoj. Pasi u bë dita e 11 sot. Duke qenë se ai është non-stop atje, do ta mirëkuptoja. Varet nga rrethanat. Kur ai thotë ‘luftë’ jo ‘luftë’ me armë. Ka dhe një poezi brenda kësaj fjale. Kur thotë ‘qëlloni’ me grusht, nuk është ‘luftë’ Nuk e kam paragjykuar opozitën. E drejtë apo e padrejtë, është e ligësi që ta sulmosh opoziten. Cilado qoftë ajo. Ata që e anatemojnë opozitën për mua janë disa naivë. Mua ajo që më shqetëson në këtë histori në fakt nuk është gjuha e dhunshme, por nuk shoh një lloj masiviteti. S’ka nevojë për të mbajtur fjalime. Nuk ka qeveri që nuk rrëzohet dhe me heshtje. Jemi në një beteje palësh. Populli është akoma në shtëpi duke fjetur. Siç thotë qeveria se ‘në emër të popullit bëni vettingun’ unë popullin nuk po e shoh”, u shpreh Çani.
Protesta e opozitës ka hyrë në ditën e saj të 11-të. Kreu i opozitës Basha bëri sot të qartë se ai dhe mbështetësit e PD nuk do të tërhiqen deri në arritjen e qëllimit kryesor të protestës: Të ikë Rama dhe të bëhen zgjedhje të lira e të ndershme.
(M.D/ Shuplaka)
Discussion about this post