Në skenën e Eurovizion nuk do të ngjitet vetëm një shqiptar. Pas Arilena Arës që do përfaqësojë Shqipërinë këngëtari i talentuar Gjon Muharremaj, do të ngjitet në skenën e madhe, për të kënduar si përfaqësues i Zvicrës.
Kënga e tij, “Repondez-moi” e kënduar në frëngjisht, ka marrë vlerësime të shumta nga kritikët e artit dhe tashmë artistit shqiptar i është besuar përfaqësimi në këtë festival.
Një juri prej 100 personash përzgjodhi këngën e Gjonit si fituese, ndërkohë që ai konkurroi me 515 artistë të tjerë. Kjo është hera e parë pas 10 vitesh që Zvicra do të përfaqësohet me një këngë në frëngjisht.
Gjon Muharremaj që identifikohet me emrin e artit Gjon’s Tears është ngjitur që i vogël në skenë. Ai ka marrë pjesë në “Albanian’s Got Talent” ndërsa më vonë mahniti Francën me zërin e tij në “The Voice of France”, ku ia doli të shkojë deri në fazat finale të programit.
Kjo nuk është hera e parë që këngëtarë shqiptarë ngjiten në Eurovizion për të përfaqësuar shtete të tjera, pasi jo më larg se vitin e kaluar ishte Eleni Fouriera që përfaqësoi Zvicrën.
Discussion about this post