Arjan Peraj, Kryetari i Sindikatës së Arsimit në Shkodër është shprehur që në 5 vitet e fundit nuk iu është dhënë asnjë shpërblim mësuesve. Ai shtoi më tej për “Fax News” se që prej 1 majit të vitit të kaluar mësuesit janë pa kontrata. Ai iu bëri thirrje që të gjithë mësuesve të marrin pjesë në protesta që fillojnë që prej ditës hënë.
“Që në vitin 2013 nuk kemi marrë asnjë rrogë shpërblim. Ditën e hënë do të kemi një protestë një orëshe të mësuesve. Ditën e hënë kemi mbështetjen e mësuesve dhe do të bëjmë grevën një orëshe. Pastaj javën tjetër do të bëjmë grevën pa afat. Ne kemi probleme ekonomike dhe protestën tonë do ta argumentojmë. Deri në vitin 2007 kemi pasur një rrogë të trembëdhejtë.
Ne kemi të drejtën tonë të kërkojmë pasi mësuesit që nga 1 majit të vitit 2017 mësuesit janë pa kontratë. Gjithçka që mund të shkojë mendja me njerëz të papërgjegjshëm mund ta bëjnë më vendet e punës. Kontratat kanë mbaruar më 31 maj dhe nuk është rinovuar. Ne e kemi kërkuar po nuk ka asnjë njoftim. Këtë e bëjnë për ta zvaritur deri në qershor kontratat e reja.
Nëse ka ardhur një moment që mësuesit duhet të tregojnë dinjitet është kjo që do të bëjmë. Ne nuk na kanë dhënë 5 shpërblime, asnjë deri më tani. Ne jemi për bisedime në tavolinë dhe për zgjidhjen e problemit. Mua më është rritur në 4 vitet e fundit rroga me 14.5 lekë të vjetra. Emërimi i drejtorëve nuk është bërë në bazë të meritave”. u shpreh Arjan Peraj. (J.V/Faxweb)
Discussion about this post