Armando Duka në një bisedim me gazetarët ka deklaruar se fati i Skëndërbeut do të vendoset nesër nga komisioni i etikës.
Skëndërbeu u dënua për trukim ndeshjesh nga UEFA. Por Duka tha se raporte bastes nuk ka vetëm për Skëndërbeun por për të gjithë ekipet.
“Skënderbeu është analizuar dhe pezulluar nga UEFA për pjesëmarrje në kupat e Europës. Këtë dënim e apeloi dhe shkoi në KAS. Kam thënë që qëndrimi i KAS-it ishte i njëjtë me UEFA-n dhe për një çështje të mbyllur në KAS nuk ka të drejtë njeri ta diskutojë”, ka thënë Duka.
Armando Duka foli edhe për ndryshimin e skemës së kampionatit, ai tha se çdo skemë ka të këqijat e veta.
“Çdo lloj skeme ka të mirat dhe të këqijat e saj”, u shpreh ai
Për arbitrimin e këtij sezoni ai tha se ka pasur gabime, por do të ketë edhe në të ardhmen, duke lënë të nënkuptohet se gabimet e arbitrave i ka konsideruar normale edhe pse kanë ngjallur shumë polemika.
“Arbitrat kanë gabuar, do gabojnë përsëri”, tha Duka.
Për Tiranën e cila ka rënë në kategorinë e parë ai u shpreh se nuk i’a fitonte dot ndeshjet dhe Përveç keqardhjes nuk ndiente asnjë përgjegjësi.
Ai tha se Tirana mund të gjej forcën të ngrihet ashtu si Partizani sepse është një ekip me histori, 1 vit do kalojë shpejt.
“Përveç keqardhjes nuk ndjej as më të voglën përgjegjësi. Atë e ka klubi dhe futbollistët për rezultatet që kanë marrë në fushë, nuk mund të bëjmë gjë për Tiranën sepse s’ja fitojmë dot ne ndeshjet. Mund të ndodhte që të binte Vllaznia dhe do të ishte njësoj. Tirana të bëjë terapi vetë, të organizohet sepse dihen problemet që kanë. Kam besim se presidenti Halili do dijë ta rikthejë në nivele të larta”, ka deklaruar Duka. (B.H/Shuplaka)
