Ish-deputeti socialist Armando Prenga, i cili vetëm pak orë më parë dorëzoi dorëheqjen për shkak të akuzave për të kaluar kriminale, shpallet i pastër nga drejtësia italiane.
“Shuplaka” publikon dy dokumentet italiane, sipas të cilave identitetet e përdorura nga ish-deputeti, Mondi Prenga dhe Armando Prenga, rezultojnë se nuk kanë kryer vepra penale.
Prokuroria e Përgjithshme akuzon Armando Prengën se në formularin e vetëdeklarimit në kuadër të dekriminalizimit nuk ka deklaruar:
1.Një dënim të formës së prerë, dhënë nga Gjykata e Rrethit Gjyqësor Kurbin, për veprën penale të “Falsifikimit të dokumenteve”, me 450 000 lekë gjobë
2.Si edhe faktin që rezulton me precedentë penale në shtetin italian për vjedhje pasurish, falsifikime në përgjithësi, marrje të pasurisë së vjedhur, deklarata për identitet të rremë në vitet 1996-1997 në qytetin e Milanos. Këto të dhëna janë konfirmuar nga komunikimi zyrtar me autoritetet italiane.”, citohej në kërkesën e parë të Prokurorisë.
Ndërkohë, vetëm 8 ditë më parë, organi i akuzës bëri me dije se sipas disa dokumentave të mbërritura nga autoritetet italiane, Prenga rezultonte të kishte përdorur plot 10 identitete: Mondi Prenga Ardian Ndoka, Mond Gjoni, Gjoni Don, Arjan Ndoci, Arjan Noc, Arjan Ndoci, Arjan Noci, Mondj Prenga dhe Mondi Prenga.
Megjithatë në dokumentet italiane, ish-deputeti rezulton i pastër vetëm për dy nga identitetet e tij: Armando Prenga dhe Mondi Prenga. (D.D/Shuplaka)
[ngg_images source=”galleries” container_ids=”1244″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post