Sulmuesi i Kombëtares Shqiptare Armando Sadiuku ka folur për karrierën e tij si futbollist por edhe për situatën tek kuqezinjtë.
Ai ka deklaruar gjatë emisionit “Pasdite në Top Channel”, se babai I tij kishte patur shumë dëshirë që ai të bëhej futbollist, madje e kishte stërvitur deri në moshën 16-vjeçare.
“Babai im ka pasur shumë dëshirë që të bëhesha futbollist, por edhe unë e kisha shumë pasion futbollin. Babai më ka stërvitur deri në moshën 16-vjeçare. Flija me uniformën që do të luaja të nesërmen. Kjo më ka bërë që të eci përpara. Kam pasur shokë me më shumë talent, por vullneti bëri që t’ia dilja mbanë”, ka thënë Sadiku.
Në lidhje me aktivizimin e tij me Legian e Varshavës në Poloni, Sadiku tha se është një futboll më shumë fizik se taktik. “Është një futboll më shumë fizik. Ka pak taktikë”.
Sulmuesi më në formë për momentin tek kuqezinjtë deklaroi gjithashtu se aktualisht te kombëtarja “çdo gjë po shkon mirë me Panuçin, falë edhe punës së mëparshme të De Biasit”.
Ndërkohë që për të lojtari më I mirë në botë është Cristiano Ronaldo, por I pëlqen dhe Ibrahimoviç.
“Ibrahimovic më pëlqen më shumë, por më i miri sot është Cristiano Ronaldo”, shtoi ai. (B.H/Faxweb)
