Armë dhe municione në kufi me Shqipërinë, si iu ikën Policisë greke tre trafikantët

Një sasi armësh dhe municionesh është kapur këtë mëngjes në kufirin greko-shqiptar. Një patrullë e Policisë greke ka pikasur tre personat që mbanin me vete disa çanta.

Në këto momente personat që po merreshin me transportimin kanë lënë çantat dhe janë larguar.

Në vendngjarje u gjeten dhe u sekuestruan në cilësinë e provës:

-Tre armë automatike kallashnikov, me shtatë karikatorë,
-11 granata difensive,
-33 detonatorë,
-Pesë kallëpë me dinamit (TNT), me peshë 1,05 kilogramë,
-Një kuti me 10 ndezës granatash,
-1593 gishekë të kalibrit 7,62 mm.

Armët i janë dërguar laboratorit kriminalistik të Greqisë së veriut, për të kryer ekzaminimet e mëtejshme, si dhe analizat balistike.

Departamenti i sigurisë publike i Janinës, po vazhdon hetimet mbi ngjarjen.

 (E.K/SHUPLAKA)