Ministri Saimir Tahiri e ka shpallur aksionin për zhdukjen e armëmbajtjes pa leje si prioritetin më të rëndësishëm të këtij viti. Ai iu ka bërë thirrje qytetarëve që të bashkëpunojnë dhe ti dorëzojnë vullnetarisht armët.
”Çështje 1 mijë e 49 vepra penale, 1 mijë e 194 persona të proceduar për armëmbajtje pa leje që nuk gjen krahasim në asnjë vend të rajonit dhe BE-së. Do të ashpërsohen masat për armëmbajtjen pa leje.
Kjo situatë vjen për shkak të trashëgimisë që kemi nga vitet e kaluara lidhur me armëmbajtjen.
Është një këmbanë e fortë alarmi për ne dhe për të gjithë institucionet. Na duhet ndihma e publikut për të luftuar një plagë të dhimshme si armëmbajtja pa leje. Në shumicën e rasteve ata janë të rinj, që i hyjnë një rruge jo të denjë.
Ne mendojmë se zgjidhja e këtij problemi nuk është e menjëhershme, po nuk kemi as luksin të kalojmë një minutë më shuëm në detyrë pa zgjidhur këtë problem.”, ka thënë Tahiri.
”Dorëzoni armët deri në Prill vullnetarisht, do të shkojmë derë më derë për t’iu bërë thirrje qytetarëve për të dorëzuar armët”, ka vijuar ai.
Discussion about this post