Gjatë mbledhjes në Komisionin e Jashtëm, ministri i Punëve të Jashtme të Shqipërisë, Ditmir Bushati, u pyet nga deputetja Jozefina Topalli për votën kundër të Shqipërisë në aleancën e NATO-s.
Bëhet fjalë për votën kundër të Shqipërisë, e cila fillimisht ishte pro eleminimit të armëve bërthamore në Asamblenë e NATO-s.
“Jemi në kundërshtim me direktivat e SHBA-ve. Pse u ndryshua qëndrimi në pak kohë? Pse dy qëndrime?”, e pyeti atë Topalli.
Në përgjigjen e tij, Trump tha se qëndrimi nuk ndryshoi për shkak të Trumpit, por pas kërkesës së SHBA-ve dhe Francës: “Para se të flasim duhet të informohemi për çështjen në fjalë. Qëndrimi ndryshoi në samitin e Uellsit në vitin 2014. Bisedimet mbi një traktat për ndalimin e armëve bërthamore. Nuk ndryshuam qëndrim për shkak të Trump.”
Në vijim të fjalës së tij, ai sqaroi dhe vizitën e tij të parë në Iran, vendin që nuk ka marrëdhënie të mira me Shtetet e Bashkuara të Amerikës. Bushati bëri me dije se Irani ka shprehur interesin për bashkëpunim me Shqipërinë. (XH.A/SHUPLAKA)
Discussion about this post