Spikeri i lajmeve, Arben Mevlani ka zbuluar detaje nga marrëdhënia e tij me të bijën, blogeren e njohur Armina Mevlanin.
I ftuar në emisionin “Rudina” në televizionin “Klan”, Mevlani është shprehur se i ka ardhur e papritur, kur ka mësuar për marrëdhënien e të bijës me Shkëlzen Berishën, djalin e ish-kryeministrit Sali Berisha.
“Në fillim më ka ardhur e papritur kur ma tha, nuk më shkonte në mendje me thënë të vërtetën, një figurë e njohur si Sali Berisha…dhe e zgjodhi vetë, i dha rrugë vetë kësaj pune.”, është shprehur Mevlani.
Më tej ai ka treguar se me Berishën janë takuar dhe kanë pirë kafe për t’u njohur me njëri-tjetrin, pasi zbuluan për lidhjen e çiftit të ri.
“Nuk jam shumë i traditës, por e kemi pirë një kafe, jemi takuar, kemi pasur një mbledhje të përbashkët.”,është shprehur Mevlani. Më tej atë e ka quajtur krushk, “Po flas për krushkun…”, ishin fjalët e tij. Ndërsa ka shtuar se s’mund ta quajë vërtet krushk por në fund të fundit drejt asaj rruge janë.
“Kjo rinia e sotme bashkëjetojnë, nuk janë si ne, që të pijnë kafe e të vënë unaza.”, është shprehur më tej Mevlani, duke bërë një krahasim mes fejesave të dikurshme dhe atyre që bëhen sot. (D.D/Shuplaka)
Discussion about this post