Monika Kryemadhi ka pasur sot një takim miqësor në ‘’Këndin e Ekselencës’’. Duke folur për marrëdhënien me fëmijët ajo është shprehur se është mjaft autoritare me fëmijët.
Tregon për pasionet e tyre. Ajo është shprehur ndër të tjera se vajza e tyre e madhe nuk do të kthehet në Shqipëri pasi sipas saj nuk do të jetë pjesë e luftës politike.
‘’Në gjimnaz dhe universitet kam qenë e padukshme. Djali është mes menaxhimit të turizmit po ka dëshirë të bëhet edhe aktor Hollivudi. Unë kam dashur të bëhem balerinë apo austronaute. Dhe të mendosh që unë me konstruktin e trupit tim e kam pasur të pamundur.
Po ashtu edhe austronaute ishte e pamundur në vendin tonë. Vetëm po të emigroja në SHBA. Sot është e mira që çdokush të zgjedhë një zanat. “, u shpreh Kryemadhi.
Më tej ajo ka treguar se njerëzit duke mos marrë vesh nga mjekësia i bëjnë dëm vetes së vetë duke rrëfyer: “Mamaja ime ka qenë mjeke dhe ka ndihmuar babanë që të jetojë për shtatë vite me një sëmundje të trurit, ndërkohë që të tjerët nuk kishin jetuar më shumë se 7 muaj.”
”Një ditë vajza e madhe më tha që nuk do të kthehet në Shqipëri pasi armiqtë tuaj më tha janë dhe armiqtë e mi. Më mirë emigrante sesa të vij në Shqipëri të jem pjesë e Luftës Politike. Morali ynë politik është aq i pamoralshëm sa më vjen shumë keq që dëgjoj këtë fjalë të saj. Vajzat e mia veshin rrobat që unë kam.
Bora është si babai i saj, është indiferente. Unë them është Ilir Meta me flokë të gjata, Besari është ëndërrimtar si nëna e vet. Nuk jam e lidhur më shumë me djalin se me vajzat. Besari është më shumë i lidhur me nënën time’’, është shprehur Kryemadhi. (E.K/SHUPLAKA)
