Gazetari Armir Shkurti ka qenë sot i ftuar në emisionin e mëngjesit në ”Fax News” me Rezear Xhaxhiu. Duke folur për aktualitetin në vend gazetari e vendosi theksin te ajo çka ndodh me Shqipërinë dhe a po kthehet vendi ynë në pikë kalimi për trafikun e drogërave të forta.
”Nëse Tahiri del i pastër apo jo ky nuk është problemi ynë si media, problemi është që a po shndërrohet Shqipëria në pikë kalimi e disa llojave të drogërave. Kjo duhet të jetë ajo që na shqetëson”, u shpreh Shkurti.
Po ashtu gazetarët në studio folën edhe për situatën në Bulqizë, ku Skurti tregoi edhe historinë e tij personale me këtë qytet.
“Unë me Bulqizën kam një lidhje shumë interesante pasi punën e parë si mësues e kam nisur në këtë qytet. Ka qenë hera e parë që babain tim e kam parë me lot. Kjo pamje është shumë e bukur në krahasim me atë që ndodh realisht në këtë qytet.
Meqë more spunto nga Berisha unë po them një shprehje që ka thënë vetë ai; ju keni ngelur në kohën time. Nuk ka pse një seancë për Buxhetin të shndërrohet në një fjalim që të vjen për të vjellë. Retorika ka si synim që të tërheqë vëmendjen. Forca e parë e opozitës që është PD-ja nuk paraqiti alternativat e saj”, u shpreh Shkurti.
Duke komentuar votimin e Parlamentit për Buxhetin gazetari u shpreh se ku është Buxheti i falimentimit të vendit.
“Ky është Buxheti i falimentimit të vendit, pasi Bujqësisë që është një nga sektorët më të rëndësishëm të vendit i është lënë vetëm një fletë A4”, përfundoi ai.
(E.K/FAXWEB)
Discussion about this post