Pas arratisjes së 21-vjeçarit Edison Pula nga Komisariati i Krujës, ka reaguar drejtoria Drejtoria e Policisë së Qarkut Durrës.
Sipas njoftimit, ngjarja e paprecedentë ka ndodhur nga pakujdesia e dy efektivëve.
Mësohet se Pula ka përfituar nga pakujdesia e dy policëve, dhe më pas ka arritur të kapërcejë murin rrethues të komisariatit.
Njoftimi i plotë i policisë:
“Mbrëmjen e sotme, duke përfituar nga pakujdesia e dy Punonjësve të Policisë, në momentin e transferimit nga Stacioni i Policisë Fushë-Krujë në Komisariatin e Krujës ka kapërcyer murin rrethues dhe është arratisur shtetasi Edison Pula, 21 vjeç, banues në Krujë. Pula ishte ndaluar sot, në kuadër të operacionit”Shënjestra”ku u arrestuan në flagrancë dy shtetas, ndaluar 7 të tjerë dhe shpallur në kërkim një tjetër. Policia ka rrethuar dhe po kreh të gjithë zonën përreth me qëllim kapjen e shtetasit të arratisur. SHÇBA-ja po verifikon shkeljen e rregullave të Shërbimit nga Punonjësit e Policisë që kanë qenë me detyrë për shoqërimin e shtetasit të mësipërm.”
Ndër të tjera, policia bën me dije se ka nisur hetimet ndaj punonjësve të saj. (D.D/Shuplaka)
Discussion about this post