Gjykata në Shkodër ka vendosur masën e sigurisë “arrest me burg” për shtetasin Shkëlzen Xhenja, të dyshuarin kryesor për atentatin e pak ditëve më parë ndaj shtetases Flutura Muça në Shkodër.
Ky vendim i gjykatës nuk është mirëpritur nga i pandehuri dhe avokati mbrojtës i tij. “Nuk kam lidhje me ngjarjen”, është shprehur Xhenja, ndërkohë që avokati F. Kadrija shprehet se Prokuroria nuk ka asnjë provë për të kërkuar këtë masë sigurie.
49-vjeçarja u plagos me armë pak ditë më parë në dyqanin e saj në lagjen “Rus” në Shkodër, ku mbeti e plagosur në këmbë, por ndodhet jashtë rrezikut për jetën.
Ngjarja ndodhi më 18 shkurt në Shkodër dhe fillimisht u raportua se shitësja e dyqanit ishte një e plagosur e rastësishme, por nga hetimet e mëvonshme të policisë u ngritën dyshimet për atentat.
Në deklaratën e saj, Flutura Muça akuzoi kunatin e saj, Sadetin Sula, të cilin e akuzon për vrasjen një vit më parë të motrës së saj, Suela Muça 38 vjeçe. Ngjarja ndodhi në prill të vitit të kaluar në biznesin e tyre familjar, mobileri “Europa”.
Sula aktualisht është i arrestuar pasi më 18 prill të vitit të kaluar, dyshohet se ka vrarë bashkëshorten e tij, Suela Muça.
Pikërisht kjo ngjarje mund të jetë zanafilla e vrasjes së mbetur në tentativë ndaj 49¬vjeçares Flutura Muça. Kjo, pasi kjo e fundit e ka akuzuar Sadetin Sulën për vrasjen e së motrës dhe familjet kanë qenë në konflikt gjatë gjithë kësaj kohe, sepse Sula e mohon krimin. Policia bëri të ditur se Flutura Muça u plagos teksa ishte në punë, duke shitur në një dyqan elektroshtëpiakesh, në lagjen “Partizani”. Ka qenë ora rreth 12:30 e datës 18 shkurt, kur dy persona me motoçikletë i janë afruar 49-vjeçares dhe njëri prej tyre e ka qëlluar me armë zjarri tip pistoletë në trup.
Konfliktet mes dy familjeve kanë vazhduar pasi Sula, i cili ndodhet në “arrest me burg” nuk e pranon krimin. (XH.A/SHUPLAKA)
(Suela Muça dhe Sadetin Sula)
Discussion about this post