Gjykata ka dhënë “arrest me burg” për dy grabitësit e kasafortës te “Rruga e Dibrës”. Eduart Ngota dhe Zenel Dama vodhën ora e bizhuteri floriri me një vlerë prej afro 100 mijë eurosh në hotelin ku ishin akomoduar. Madje para gjykatës ata kanë pranuar krimin e kryer.
Sipas “Panorama” brenda 24 orësh nga momenti i ngjarjes, Policia e Tiranës arriti të arrestojë dy autorët dhe t’i kthejë hotelit sendet e vjedhura. Autorët ishin futus si klientë në këtë hotel.
Të dy autorët kishin marrë kasafortën duke e futur në një çantë dhe pasi e kishin zbrazur, duke marrë paratë, orët e bizhuteritë që kishte brenda, e kishin kthyer sërish në vendin ku ishte, për të mos rënë në sy.
Nga të dhënat hetimore të Policisë rezulton se ideatore e vjedhjes në hotelin te Rruga e Dibrës është motra e njërit prej autorëve, Rajmonda Bruçi.
Ajo ishte e punësuar aty prej disa muajsh si pastruese dhe ishte në dijeni të objekteve me vlerë e parave që ndodheshin në kasafortë. (J.V/Shuplaka)
