Prokuroria e Tiranës ka kërkuar ‘arrest me burg’ për disa prej ish-zyrtarëve që u arrestuan pas operacionit të ndërmarrë në kryeqytet në lidhje me dëmet e shkaktuara nga tërmeti i 26 nëntorit.
Organi i akuzës ka kërkuar masën e sigurisë ‘arrest në burg’ për Fatbardh Plakun, ish-kryetarin e komunës së Farkës dhe Besnik Fuçin, ish-kryetarin e komunës Kashar.
Ndërkohë, për Faik Fejzon, prokuroria ka kërkuar masën ‘arrest në shtëpi’, ndërsa ‘arrest në burg’ për Vjollca Hoxhollin. Në kuadër të këtij megaoperacioni u lëshuan 40 urdhër-arreste, ku mes te arrestuarve ka zyrtare, ish-zyrtare dhe ndertues.
Ndërkohë që masa më lehtësuese pritet që të kërkohen për gratë e arrestuara. Seanca po zhvillohet në disa pjesë, pasi ishte e pamundur që ambientet e Gjykatës së Tiranës të mund të nxinin të gjithë të arrestuarit.
Discussion about this post