Mjekët e Spitalit të Elbasanit kanë dalë para spitalit të këtij qyteti duke shprehur indinjatën dhe shqetësimin e tyre në lidhje me arrestimin e dy mjekëve që trajtuan rastin e Rexhina Debrovës, e cila humbi jetën pas një lindjeje me operacion në spitalin e Elbasanit mesditën e djeshme.
Mjekët thonë se arrestimi i dy kolegëve të tyre është i padrejtë pas është bërë në një kohë kur ende nuk ka dalë raporti mjeko-ligjor që vërteton fajësinë e tyre.
Në emër të mjekëve foli njëri prej tyre i cili deklaroi se ata nuk po mbrojnë askënd me përgjegjësi ligjore, por mbrojnë kolegët e tyre që janë arrestuar pa të drejtë.
“Shprehim ngushëllimin e thellë për familjarët e pacientës që humbi jetën gjatë ditës së djeshme.
Për arrestimin e dy kolegëve shprehim indinjatën dhe shqetësimin më të madh. Ata jo vetëm që janë mjek të nderuar por janë edhe mjaft të përkushtuar në punën e tyre. Polcia është nxituar me arrestimin e dy mjekëve dhe ne shprehim indinjatën e thellë me këtë vendim. Ata janë arrestuar pa dalë ende autopsia mjeko-ligjore. Ne nuk mbrojmë askënd që ka përgjegjësi ligjore, por ne jemi të shokuar nga arrestimi pa asnjë provë dhe fakt që vërteton fajësinë e tyre. Me keqardhje e themi se policia nuk është treguar e shpejtë kur janë dhunuar mjekët.
Bluzat e bardha të Elbasanit garantojnë gjithë qytetarët dhe pacientët se kemi bërë dhe do vijojmë të bëjmë më të mirën e mundshme. Kërkojmë nga Parlamenti shqiptarë që të ndryshojë ligjin që është në favor të bluzave të bardha. Nuk kemi bërë bojkotim të operacioneve por sensibilizim me kolegët tanë kemi bërë”, deklaroi mjeku.
Faxweb.al ka zbardhur përfundimet e autopsisë që iu nënshtrua 25-vjeçarja Rexhina Debrova, e cila humbi jetën pas një lindjeje me operacion në spitalin e Elbasanit mesditën e djeshme.
Burime kofidenciale bëjnë me dije se vdekja pas lindjes cezeriane e 25 vjeçares ka ardhur nga Koagulimi. Koagulimi është një mpiksje gjaku, e cila e bën këtë të fundit të trashë deri sa thahet përfundimisht.
Për pasojë nga mpiksja e gjakut është bllokuar një nga venat kryesore që çon gjakun në mushkëri, duke shkaktuar vdekjen e menjëhershme. Në mjekësi KOAGULIMI është i rralle, por më i shpeshtë te ndërhyrjet gjatë lindjes.
Kujtojmë se lidhur me këtë ngjarje të rëndë mbrëmjen e djeshme u bë shoqërimi dhe më pas arrestimi i dy mjekëve. (Lexo edhe ketu)
(F.GJ/FAXWEB.AL)
