Policia ka arrestuar dy punonjës të Bashkisë së Pogradecit ndërkohë lidhur me këtë zhvillim ka reaguar edhe kreu i pushtetit vendor, Eduart Kapri përmes një deklarate për mediat të cilat I ka konsideruar sit ë paligjshme.
Kapri tha se mbyllja e derës së jashtme të KZAZ-së që është vendosur në ambintet në pronësi të bashkisë është një procedurë normale nga ana e punonjësve duke e konsideruar si diçka të përditshme dhe pjesë të detyrës.
Kapri thekson se kjo bashkia që ai drejton është e vendosur për të zbatuar dekretin e Presidentit dhe ju bën thirrje qytetarëve dhe mbështetësve që të mos bien pre e provokimeve.
“Mbyllja e dërës është një procedurë normale pasi kjo procedurë ndodh çdo ditë. Ne do të zbatojmë dekretin e presidentit. Ju bëj thirrje qytetarëve të mos bien pre e provokimeve dhe të shmangin çdo situatë konfliktuale. E shtuna dhe e diela janë ditë pushimi. Çdo tentativë për hapjen e dyerve të insitucuoneve që administrohen nga bashkia do t’ju drejtohemi organeve ligjzbatuese. Sot në mëngjes, në Buqezë është shkatërruar dera e qendrës shëndetësore. Kemi bërë edhe denoncim në polici”.
Specialistët për Hetimin e Krimit, në Komisariatin e Policisë Pogradec bënë arrestimin në flagrancë të shtetasve:
- S.B, 61 vjeç;
- G.B, 59 vjeç, banues në Pogradec, (të dy me detyrë punonjës shërbimesh në Seksionin e Arsimit pranë Bashkisë Pogradec).
Arrestimi i tyre u bë pasi janë kapur në flagrancë nga shërbimet e Komisariatit të Policisë Pogradec, duke mbyllur me çelës tre shkolla dhe një kopsht fëmijësh në lagjet nr 2 dhe 5 të qytetit të Pogradecit, të cilat nga Komisioni Qendror i Zgjedhjeve janë vendosur dhe miratuar si qendra votimi, për zgjedhjet e Pushtetit Vendor të datës 30.06.2019.
(F.GJ/FAXWEB.AL)
