Më herët Faxweb.al raportoi se ishte arrestuar nga Policia Rrugore e kryeeqytetit, këngëtari I nohur I rrokut, Aleksandër Gjoka pasi është konstatuar se drejtonte mjetin nën efektin e alkoolit.
Lajmi është konfirmuar zyrtarisht edhe nga Policia nga ku mësohet se këngëtari është ndaluar rreth orës 00:05, nga shërbimet e Komisariatit të Policisë Nr.4 në rrugën “Sotir Caci” teksa drejtonte një mjet, tip ‘Chevrolet”.
Mësohet se pas testimit me aparat “Drager”, nga shërbimet e Policisë Rrugore rezultoi se Gjoka drejtonte mjetin në gjendje të dehur në masën 0.66 mg/l, gjë e cila përbën vepër penale.
Materialet për këtë çështje i kaluan Prokurorisë se Rrethit Gjyqësor Tiranë, për veprën penale “Drejtimi i automjeteve në mënyrë të parregullt”.
Ndërkohë gjatë mbrëmjes së kaluar Policia Rrugore në sajë të patrullimeve dhe verifikimeve ka fokusuar ndaj përdorueseve të mjeteve që drejtojnë pas përdorimit të alkoolit apo me shpejtësi mbi normat e lejuara, për përdorim të aparatit celular gjatë drejtimit të mjeteve, për parkime te gabuara në rresht të dytë etj, nga ku janë verifikuar dhe:
- Janë arrestuar 18 drejtues mjetesh dhe motomjetesh, nga të cilët 13 në gjendje të dehur, 4 të papajisur me leje drejtimi, si dhe 1 person është shpallur në kërkim për veprën penale “Vjedhja”.
- Janë pezulluar 174 leje drejtimi, nga të cilat 49 për drejtim mjeti nën efektin e alkoolit, 84 për shpejtësi mbi normat e lejuara, si dhe 41 për shkelje të tjera të rregullave të qarkullimit rrugor.
- Janë proceduar administrativisht 175 drejtues motomjetesh për mospërdorim të kaskës mbrojtëse.
- Janë proceduar administrativisht 2 089 mjete për pushim dhe qëndrim të gabuar
- (F.GJ/FAXWEB.AL)
Discussion about this post