Kryetarja e LSI-së Monika Kryemadhi tek sa ka folur për zhvillimet e fundit politike është pyetur edhe në lidhje me arrestimin e mbrëmshëm për ‘shpërdorim detyre’ të ish-drejtorit të rrugëve Dashamir Xhika nga radhët e LSI-së.
E ftuar në emisionin ‘JAVA’ në RTSH Kryemadhi u shreh se arrestimi i Xhikës është politik dhe kjo sipas saj është një sulm që po i bëhet LSI-së.
“Arrestimi i djeshëm është një arrestim politik dhe më vjen shumë keq për mënyrën si doli lajmi se ai është arrestuar nga prokuroria e Elbasanit për rrugën Tiranë-Elbasan. Ai është arrestuar me një dosje që mbahet tre vjet në prokurorinë e Elbasanit, dhe kur mbahet 3 vjet mbahet për shantazh. Dashamir Xhika do të përballet me padrejtësinë e Edi Ramës, sepse nuk e arreston dot një drejtor të rrugëve për një tender që nuk e ka marrë në dorëzim. Ky nështë një arrestim politik. Është presion politik që ushtron Taulan Balla me Qazim Sejdinin se Dashamir Xhika është kryetarë i LSI-së për Elbasanin”, tha Kryemadhi. (B.H/Faxweb)
Discussion about this post