Gazetari Poli Hoxha, i ftuar në studion e lajmeve të Syri.net, ka komentuar situatën aktuale në vend si dhe aksionin e ditëve të fundit të policisë, nga ku ranë në pranga edhe dy ish-deputetë.
Ai u shpreh se pas këtij operacioni Rama fshah qëllime të tjera, ndërsa shtoi se arrestimi i dy ish deputetëve ka ardhur si një goditje e ngelur në rrjetë, por që Rama po e përdor me qëllimin që të tregojë se godet edhe brenda të vetëve.
Po ashtu gazetari inkurajoi policinë në këtë betejë, ndërsa tha se ka ende një pjesë të shënoshë në Policinë e Shtetit, pavarësisht akuzave.
“As që diskutohet që policia duhet inkurajuar në këtë betejë dhe duhet mbështetur, dhe pavarësisht akuzave që bën opozita dhe media, policia vijoj të ketë një pjesë të shëndoshë. Unë i përshëndes për këtë aksion, pavarësisht se e ka një bisht nga mbrapa. As që diskutohet që këta nuk janë peshq të mëdhenj. Nëse do të kishte patur një hetim në vazhdim këta ish-deputetë, nëse prokuroria dhe policia do kishte nisur një hetim të herdshëm, atëherë do ta cilësoja si një sinjal. Por fakti që këta ranë në rrjetën e gjithë këtij megaoperacioni, dolën nga përgjimet e krimit të organizuar, njëri për pronat tjetri si drejtor burgjesh, ngeli si një goditje që ju ngeli në rrjetë. Rama i detyruar, por ka dhe një synim tjetër për të treguar se ne godasim edhe brenda vetes tonë”, u shpreh Hoxha.
(B.B/ Faxweb.al)
Discussion about this post