Pas arrestimit të kryetarit të Bashkisë Lezhë, Fran Frrokaj, dhe disa zyrtarëve të tjerë të kësaj bashkie, kryetari i PD-së, Lulzim Basha, ka shkuar në Lezhë.
Mësohet se ai është i shoqëruar nga deputetët Flamur Noka, Aldo Bumçi e Edi Paloka.
Basha po zhvillon një takim me përfaqësues të PD-së në Lezhë.
Më herët, në një komunikim të shkurtër nga selia qendrore e PD-së në Tiranë, Basha tha se para ligjit të gjithë janë të barabartë.
Basha theksoi se uronte që Frrokaj të ishte i pafajshëm.
“Prokuroria të bëjë punën e saj në mënyrë të paanshme. Urojmë që Frrokaj të jetë i pafajshëm. Të gjithë duhet të jemi të barabartë. Hetimi për Fan Frrokajn duhet të jetë transparent”, shtoi më tej kryetari i PD-së.
(F.G/Faxweb.al)
Discussion about this post