Pak orë pas arrestimit të kreut të Aleancës për Ardhmërinë e Kosovës, Ramush Haradinaj, ka reaguar Prokuroria për Krime Lufte në Serbi, e cila është shprehur se ka fakte shtesë lidhur me arrestimin e Haradinajt.
Kreu i Prokurorisë serbe Milan Petrović ndër të tjera u shpreh: “Të kënaqur që fletë-arresti zbatohet në vendet e Bashkimit Europian. Ekstradimi i shpejtë i kreut të AAK-së do të bëhet vetëm me pëlqimin e vëtë atij.”
Sipas serbes “Tanjug”, Prokuroria për Krime Lufte këmbëngul se ka mbledhur prova të forta që plotësojnë akuzat e Serbisë ndaj Ramush Haradinaj, i cili u arrestua ditën e djeshme në Bazel të Francës me urdhër të Serbisë nën akuzën për “krime lufte”.
Sipas Prokurorisë serbe, në vitin 1997, Ramush Haradinaj së bashku me vëllezërit e tij Dautin e Shkëlzenin, kishte organizuar “sulme terroriste” ndaj policisë serbe në rajonin e Dukagjinit.
Ai akuzohet edhe për themelimin e “Shqiponjat e zeza”, njësi speciale që Prokuroria e Serbisë e konsideron përgjegjëse për torturimin dhe vrasjen e dhjetëra civilëve serbë, trupat e të cilëve janë gjetur në Liqenin e Radoniqit dhe në komunën e Deçanit. (XH.A/SHUPLAKA)
