Arrestimi i Haradinajt, deputeti i PS-së: Shqipëria të shpallë non-grata presidentin e Serbisë

Vijojnë reagimet lidhur me arrestimin e Ramush Haradinajt në Francë. Më i fundit ka qenë deputeti i Partisë Socialiste për Kavajën, Parid Cara.

Sipas tij, “lirimi i Ramush Haradinajt është vetëm çështje ditësh. Në Prishtinë ai do pritet si hero sepse lufta e tij ishte e drejtë”.

Cara shkon më tej teksa propozon që të shpallet non-grata presidenti i Serbisë, ndërsa fton koelgët e tij që të bashkohen në një qëndrim të përbashkët kundër Serbisë.

Postimi i plotë i Parid Carës:

Arrestimi i Ramush Haradinajt jo vetem qe nuk e njollos veprimtarine e dhe kontributin e tij ne luften per clirimin e Kosoves, por e ben ate qe ti rikujtohen edhe njehere ato vite te lavdishme. Kujtimet e se shkuares, me Jugosllavi, me Milloshevice dhe me Kosove nen pushtimin e Beogradit tani i perkasin historise me famekeqe te Ballkanit dhe nuk mund te rikthehen me. Lirimi i Ramush Haradinajt eshte vetem çështje ditesh. Ne Prishtine ai do pritet si hero sepse lufta e tij ishte e drejte. 

Si deputet i Kuvendit te Shqiperise propozoj qe edhe ne duhet te levizim, nuk mund te kemi te njejtin qendrim ndaj serbeve. Presidenti i Serbise duhet te shpallet non grata ne Shqipëri. Nuk eshte pak te fabrikoshe akuza ndaj ish kryeministrit te suksesshëm kosovar. Ndaj dikujt minimalisht duhet mbajtur qëndrim.

Ish-kryeministri i Kosovës Ramush Haradinaj u ndalua ditën e djeshme nga autoritetet franceze në bazë të një urdhër-arresti të lëshuar nga Serbia në vitin 2004. Për të njëjtat akuza, kreu i AAK-së është shpallur dy herë i pafajshëm nga Gjykata Ndërkombëtare e Hagës. (A.R/SHUPLAKA)