Policia e Shtetit konfirmoi zyrtarisht pak minuta më parë arrestimin e botuesit Henri Çili, ndaj të cilin rëndojnë 6 akuza, që nga mashtrimi, te fshehja e pasurisë, dhe ushtrimi i ndikimit të paligjshm.
Së bashku me të ranë në pranga dhe 27 persona të tjerë, të cilët akuzohen për vepra të ndryshme penale.
Lidhur me këtë operacion ka reaguar dhe ministri i Brendshëm Sandër Lleshaj, i cili ka përgëzuar policinë dhe prokurorinë për punën që kanë bërë ndërsa thotë se droga dhe krimi nuk mund të kenë vend në shoqërinë tonë.
Ministri Lleshaj në TWitter:
Policia dhe Prokuroria dhanë sot një tjetër provë të rëndësishme të seriozitetit në luftën e përbashkët kundër krimit të organizuar.
Reforma në Drejtësi po sjell përditë rezultate.
Droga dhe krimi nuk mund të kenë vend tek ne.
Përgëzime për punën e Policisë dhe Prokurorisë.
Çili sipas policisë është i dyshuar për veprat penale “Fshehja e të ardhurave”, “ Pastrimi i produkteve të veprës penale ose veprimtarisë kriminale”, “Falsifikimi i dokumenteve”, “Mashtrimit”, “Ushtrimi i ndikimit të paligjshëm ndaj personave qe ushtrojnë funksione publike” dhe “Falsifikimi dokumenteve” në bashkëpunim.
Dyshohet se botuesi i njohur i ka premtuar Adil Alikos se do të mundësonte heqjen e dënimit me burg përjetë për djalin e tij, Arbionin, i cili akuzohet për vrasjen e Ibrahim Bashës, efektivit të RENEA-s, përkundrejt një përfitimi rreth 1 milionë euro.
Discussion about this post