Pas arrestimit të Ramush Haradinajt në Francë ka reaguar edhe partia që ai drejton, Aleanca për Ardhmërinë e Kosovës.
Përmes një reagimi, AAK e quan këtë një veprim të padrejtë dhe të papranueshëm, ndërkohë që i bën thirrje autoriteteve franceze të mos pengojnë udhëtimin e tij.
Reagimi i plotë i AAK-së:
“Kryetari i AAK-së, Ramush Haradinaj, sot është ndaluar në aeroportin e Baselit, sipas një urdhërarresti të lëshuar nga Serbia në vitin 2004.
Një veprim i tillë është krejtësisht i padrejtë dhe i papranueshëm. U bëjmë thirrje autoriteteve franceze qe t’i mundësojnë zotit Haradinaj që të vazhdojë udhëtimin e tij i papenguar dhe kërkojmë nga autoritet e Bashkimit Evropian dhe të shteteve evropiane veç e veç që të mos pengojnë lëvizjen e lirë të autoriteteve të Kosovës, sipas urdhërarresteve të paligjshme të Serbisë.
Njëkohësisht kërkojmë nga Qeveria e Kosovës që të ndërpres çdo komunikim me Serbinë deri sa ajo të mos i tërheqë fletarrestet ndërkombëtare kundër përsonaliteve të Kosovës“.
Ramush Haradinaj është ndaluar sot në aeroportin e Baselit, sipas një urdhërarresti të lëshuar nga Serbia në vitin 2004. (A.R/SHUPLAKA)
