Ministria e Punëve të Jashtme e Kosovës ka konfirmuar ndalimin e Ramush Haradinaj në Francë. MPJ thekson se autoritetet janë vënë në lëvizje që kreu i AAK-së të lirohet sa më shpejt.
“Ministria e Punëve të Jashtme është duke u marrë intensivisht që nga ora 15h të ditës së sotme me rastin e ndalimit të z. Ramush Haradinaj, kryetar i AAK-së. Ndalimi i tij nga autoritetet franceze është bazuar në një fletarrest të Serbisë të vitit 2004 që për ne është i papranueshëm. MPJ ka nisur notat verbale nëpërmjet Ambasadës tonë në Paris dhe vetë ministri Hoxhaj është marrë personalisht për të shfrytëzuar të gjitha rrugët diplomatike që Haradinaj të lirohet sa më parë” ka thënë për Express, Bashmir Xhemaj, Shef i Kabinetit te Ministrit Hoxhaj.
Haradinaj u ndalua sot në Francë në bazë të një urdhër-arresti të lëshuar nga Serbia në vitin 2004. (A.R/SHUPLAKA)
Discussion about this post