Në lidhje me arrestimin e kryebashkiakut të Tiranës Erion Veliaj ka folur avokati Përparim Caca.
Në një lidhje skype për Faxnews, avokati eshtë shprehur se ishte një arrestim i pritshëm nga të gjithë dhe thekson se SPAK ka pasur kohen e duhur për të bërë dhe mbledhjen e duhura të fakteve që çojnë në këtë vendim.
“Unë dua të theksoj se SPAK është treguar shume i kujdesshëm në të gjithë pjesën hetimore ku si fillim nuk ka regjistruar si subjekt Veliaj po veprat penale që dyshohej që ishin kryer. Nga hetimet e bera ky kyç ka qenë Veliaj, janë kontrolluar banesa dhe sipas informacioneve të para edhe bashkëshortja e tij është në arrest shtëpie. SPAK ka pasur të gjithë kohen e nevojshme. Unë jam me SPAK se duhet një dyshim i arsyeshëm. Është një zhvillim shumë i rëndësishëm për ti dhënë një përgjigje klasës politike, duhet të jemi koherent ndaj SPAK pasi në rastin konkret me vendimet që merr SPAK ndiko me jeten politike sidomos kur jemi para zgjedhjeve qëndrore. Siç ishte arresti i shtëpisë për Berishën, arrestimi me burg i Metës dhe tani arrestimi i Veliajt ka një ndikim në jetën politike”, ka thënë ai.
Ndër të tjera ai ka shprehur se jemi të bindur se SPAK vepron kur e mbron këtë masë në gjykatë.
“SPAK ka qene i kujdesshëm për të vendosur këtë masë ndaj Veliaj dhe nuk duhet ta shikojmë se prishje pazaresh apo para zgjedhjeve po e gjithë kjo ka ndodhur pas veprimeve hetimore, kritiket do vijojnë e SPAK nuk i anashkalon dot”, është shprehur ai.
