Socialisti Petro Koçi foli ditën e sotme për arrestimin e kryetarit të bashkisë Tiranë, Erion Veliaj.
Ai u shpreh i habitur se opozita sot në vend që të ishte e gëzuar për këtë zhvillim, është e trishtuar.
Petro Koçi: E kuptoj që zhvillimet e sotme janë shumë të rëndësishme, por çuditërisht në vend që të jeni të gëzuar jeni të trishtuar. Çdo veprim që bën SPAK ju bën të ndiheni keq, sepse spak sipas jush duhet të ishte organizatë kriminale. Mund të vazhdoni të jetoni në normalitete në këtë kuvend që është zgjedhur nga qytetarët e Shqipërisë.
Kryebashkiaku i Tiranës, Erion Veliaj u arrestua me urdhër të SPAK mesditën e sotme.
Ai gjendej në ambientet e Bashkisë Tiranë kur u shoqërua nga agjentët e BKH-së drejt bllokut të sigurisë “Mine Peza”.
Gjithashtu është lëshuar me urdhër arresti për bashkëshorten e kryebashkiakut, Ajola Xoxa. Ndaj saj është caktuar masë sigurie “arrest shtëpie”, por Ajola Xoxa ndodhet jashtë vendit.
Bashkëshortja e kryebashkiakut ka dalë jashtë Shqipërisë më datën 8 Shkurt.
Discussion about this post