Arrestimi i vrasësit të dyshuar të komisarit Artan Cuku, Demiraj përgëzon Policinë e Shtetit

Ministri i Brendshëm Dritan Demiraj ka përgëzuar Policinë e Shtetit për arrestimin e autorit të dyshuar për vrasjen e komisarit Artan Cuku.

Mikel Shallari u arrestua mbrëmjen e djeshme pasi sipas Policisë ka prova të forta që e lidhin atë me vrasjen e Artan Cukut. 

“Ministri ka ndjekur në vijimësi ecurinë e hetimit te kësaj ngjarje të rendë dhe ishte angazhuar pranë familjes se komisarit Cuku (ne vizitën e 29 majit 2017) se Policia e Shtetit ishte e angazhuar maksimalisht për zbardhjen e plote te ngjarjes, kapjen dhe dërgimin para drejtësisë te autoreve”- thuhet në reagimin e ministrisë së Brendshme.

Ne vijim, Ministri Demiraj konfirmon mbështetjen e fuqishme për policinë për rritjen e kontrollit te territorit kundër trafiqeve, dhe pastrimin e radhëve te policisë nga te inkriminuarit dhe personat e përfshire ne trafiqet e drogës gjate viteve te kaluara. (E.K/SHUPLAKA)