Arrestimi për terrorizëm, Gjykata jep masën për shtetasin rus

Gjykata e Durrësit ka dhënë masën e sigurisë arrest  me burg për shtetasin rus Rasul Mislaev 34 vjec, me qëllim ekstradimi.

34 vjeçari ishte shpallur në kërkim nga Interpoli në Moskë, pasi Gjykata e Rrethit Gjyqësor në Nadterechni e akuzoi për veprën penale “Pjesëmarrja në organizatë terroriste”. Mislaev kishte hyrë në vendin tonë si emigrantë i paligjshëm.

Ndërsa arrestimi i tij u bë i mundur tre ditë më parë nga Policia  e Shtetit në Shqipëri në bashkëpunim me agjensitë ligjzbatuese partnere.

34-vjeçari thuhet se në Qershor të vitit 2013-të  është larguar nga Rusia për në Siri, ku i është bashkuar Shtetit Islamik (ISIS), duke qenë pjesëmarrës aktiv në luftime kundër forcave qeveritare në Siri.

(F.GJ/FAXWEB.AL)