Gjykata e Durrësit ka dhënë masën “arrest me burg” për 20 punonjësit e zyrës së Kadastrës, ndër to ish nëndrejtore, ish drejtore dhe ish specialiste, të cilët u ndaluan nga policia lidhur me dosjen e pronave në Gjirin e Lalzit. Po ashtu me gjykata ka vendosur detyrim paraqitje, për 6 persona, punonjës të kësaj agjencie.
Kujtojmë se në lidhje me çështjen e pronave tek Gjiri i Lalzit, u bë dhe arrestimi i drejtorit Liridon Pula, i cili u lirua më vonë nga ana e Gjykatës së Apelit.
Gjithashtu edhe nën drejtori Arben Isaku dhe nëdrejtoresha tjetër Lusiena Kola u arrestuan për t’u lënë më vonë të lirë nga gjykata. Të tre zyrtarët u akuzuan nga prokuroria për shpërdorim detyre.
Pas arrestimit të Pulës, ndodhi dhe sulmi i paprecedentë i kryeministrit Edi Rama dhe zëvendësit të tij Erion Bracce në drejtim të prokurorit Arjan Ndoja, që sipas tyre ishte i lidhur me grupe kriminale në qytetin e Durrësit.
Por pavarësisht sulmeve frontale të ndërmarra nga qeveria, prokurori Ndoja nuk ka ndërmarrë asnjë hap pas nga çështja, ku tashmë hetimet janë zgjeruar dhe në radhët e punonjësve të tjerë të Kadastrës.
Mbetet për t’u parë si do të vijojë çështja, ndërsa sulmet e Ramës dhe të Braçes u dënuan dhe nga sindikata e gjyqtarëve, të cilët i cilësuan drejtuesit e qeverisë në tejkalim të kompetencave të tyre.
