Arrestohen 4 shqiptarë në Belgjikë, kishin hapur “shtëpi bari” pranë komisariatit të policisë

4 shqiptarë janë arrestuar në Belgjikë pasi kishin hapur shtëpi bari pranë Komisariatit të Policisë.

Banesa e tyre ndodhet në qytetin Roeselare. Ngjarja është publikuar nga mediat belge së fundmi, megjthëse arrestimi i tyre ka ndodhur që në muajin shkurt.

Efektivët e Komisariatit të Policisë kalonin pranë kësaj shtëpie shumë shpesh gjatë ditës. Ky arrestim u publikua së fundmi, 7 muaj pas tij, sepse vetëm tani u zbulua që banesa ku ishte mbjellë kanabisi ishte pranë Komisariatit të Policisë.

Sipas mediave belge 4 shqiptarët do përballen me drejtësinë për kultivimin e lëndëve narkotike.