Arrestohen 4 vëllezërit hajdutë në Tiranë, vjedhjet që kanë kryer – EMRAT

Katër vëllezër janë arrestuar nga policia e Tiranëst për 4 raste të ndryshme vjedhjesh.

Të arrestuar janë Napulon Luca 23 vjeç, i dënuar më parë për shkatërrim prone dhe kanosje; Alush Luca 33 vjeç; Hajri Luca 25 vjeç dhe Dritan Luca 27 vjeç.

Napulon Luca u arrestua në vendin e quajtur rruga “Princ Vidi”, Tiranë është kapur duke vjedhur në  banesën  e shtetasit L. M., 46 vjeç.

Katër vëllezërit dyshohet të kenë kanosur seriozisht për jetën dhe kanë goditur me grushta dhe shkelma shtetasin D, Sh., 27 vjeç, i cili është nipi i kallzuesit L, M të cilit i ishte vjedhur banesa nga Napulon Luca.

Sipas Policisë së kryeqytetit, gjatë marrjes në pyetje, 23-vjeçari Napulon Luca ka pranuar se është autor i disa vjedhjeve të tjera të ndodhura më konkretisht:

-Më datë 01.01.2017 vjedhje banese ku ka marrë 7.000 lekë dhe orë dore me vlerë 100 euro.

-Më datë 06.01.2017 vjedhje banese ku ka marrë 16.000 lekë.

-Më datë 07.01.2017  vjedhje në një magazinë ku ka marrë një sasi kabulli elektrik. (A.R/SHUPLAKA)