Arrestohen dy pjesëtarët e ISIS, gati për sulm në qytetin spanjoll të Afrikës

Dy persona kanë rënë nën prangat e policisë spanjolle pasi dyshohet të jenë pjesë e organizatës terroriste ISIS.

Ministria e brendshme spanjolle ka deklaruar se dy të dyshuarit janë arrestuar në qytetin e kolonizuar nga Spanja të Afrikës Veriore, Ceuta.

Mediat lokale shkruajnë se dy të arrestuarit i janë nënshtruar një procesi të gjatë të radikalizimit dhe po i afroheshin pikës ku do të ishin të gatshëm të kryenin sulme terroriste.

Vetëm gjatë dy viteve të fundit, policia spanjolle ka arrestuar rreth 180 xhihadistë të dyshuar, një pjesë e madhe e të cilëve jetonin në Ceuta. (D.D/Shuplaka)