Arrestohet 21-vjeçari i shpallur në kërkim dhe shoku i tij, iu gjet kanabis

Dy të rinj janë vënë në pranga pasi njëri kërkohej nga policia, ndërsa tjetrit iu gjet drogë.

Burime zyrtare bënë me dije se Xhuljano Meta, 21 vjeç, banues në Durrës, i shpallur në kërkim nga Gjykata e rrethit Gjyqësorë Durrës, e ka dënuar me 1 vit burgim për veprën penale “Kalim i paligjshëm i kufirit”.

Gjithashtu i riu është i dyshuar për veprën penale “Plagosje e rëndë”, për llogari të Drejtorisë Vendore të Policisë Durrës.

Ndërsa Vilson Senija, 24 vjeç, banues në Tiranë u arrestua pasi ka qenë sëbashku me Xhuljano Meton, dhe gjatë kontrollit fizik të ushtruar i është gjetur dhe sekuestruar në cilësinë e provës materiale dy doza me lëndë të dyshuar narkotike të llojit “Heroinë”, njofton Policia e Shtetit.

Materialet proceduriale i’u kaluan Prokurorisë pranë Gjykatës së shkallës së parë Tiranë, për veprën penale “Prodhim dhe shitje të lëndëve narkotike”, në ngarkim të Vilson Senija.

Xhuljano Meta i’u dorëzua Drejtorisë Vendore të Policisë Durrës për veprime të mëtejshme.