Arrestohet 36-vjeçari, i dënuar me 1 vit burg për korrupsion

Policia e Korçës ka  arrestuar një 36-vjeçar pasi rezulton i dënuar nga gjykata.

Bëhet fjalë për Eriston Ziu i cili është dënuar nga Gjykata e Rrethit Gjyqësor Korçë  me 1 vit burg për veprën penale “Shpërdorimi i detyrës”.

Njoftimi i policisë:

Specialistët e Seksionit kundër Krimit Ekonomik-Financiar, në bashkëpunim  me shërbimet e Komisariatit të Policisë Korçë, bënë kapjen dhe ndalimin e shtetasit në kërkim :

Eriston Ziu, 36 vjeç, banues në Korçë.

Ndalimi i tij u bë pasi, Gjykata e Rrethit Gjyqësor Korçë, me vendim nr 491 të datës 04.10.2016, e ka dënuar me 1 (një) vit burg për veprën penale: “Shpërdorimi i detyrës” parashikuar nga neni 248 i Kodit Penal. Nga verifikimet e kryera në lidhje me këtë rast, rezulton se kur ky shtetas ka qenë me detyrë punonjës në ZVRPP-Korçë, nga ana e tij janë kryer shkelje/parregullsi në kryerjen e detyrës.