Policia e Tiranës ka vënë në pranga një 44-vjeçar, i dyshuar si autor i disa vjedhjeve të kryera në zona të ndryshme të kryeqytetit. Shtetasi Roland Londo, banues në Tiranë, u arrestua në flagrancë nga Specialistët për Hetimin e Krimeve në Komisariatin Nr. 1, pas një pune të mirëorganizuar hetimore.
Nga hetimet e deritanishme janë dokumentuar 3 raste konkrete vjedhjeje:
-
Më datë 13.06.2025, ka vjedhur një aparat celular nga një automjet në pronësi të një 54-vjeçari;
-
Më datë 12.05.2025, në një stacion autobusi, i ka vjedhur një shumë parash dhe një mjet identifikimi shtetasit F. P.;
-
Më datë 21.02.2025, ka vjedhur një shumë parash në një dyqan në zonën e “Pazarit të Ri”.
Gjatë kontrollit fizik dhe në banesën e të dyshuarit, policia gjeti dhe sekuestroi si prova materiale:
-
8 aparate celular;
-
Municion luftarak;
-
3 mjete identifikimi të dyshuara të vjedhura;
-
Sende të tjera me vlerë;
-
1 armë e ftohtë.
Policia vijon punën për zbardhjen e rasteve të tjera të mundshme ku R. L. mund të jetë përfshirë, si dhe për identifikimin e bashkëpunëtorëve të mundshëm.
Materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme procedurale.
