Policia e Tiranës ka ndjekur dhe ndaluar një automjet të dyshimtë në rrugën “Myslym Shyri” në Tiranë, pasi dyshohej se posedonte armë zjarri.
Gjatë kontrollit, shërbimet e policisë kanë bërë të mundur kapjen e një personi, ndërsa është sekuestruar edhe një armë zjarri.
Personi i arrestuar nga policia mësohet se është Skerdi Sina. Gjatë ndjekjes nga policia, për t’i shpëtuar arrestimit ai përplasi edhe disa mjete të parkuara në rrugë.
Emri i tij nuk është i pa njohur për autoritetet. Në janar të këtij viti ai u shpall në kërkim bashkë me 4 persona të tjerë pasi mbajtën të mbyllur në një banesë të marrë me qira ditore në Astir, një 21 vjeçare.
