Arrestohet autori i dyshuar që plagosi me thikë 42-vjeçarin në Durrës

Nga policia e Durrësit është arrestuar Fatjon Kovaçi 21 vjeç. 21 vjeçari goditi me thikë shtetasin me inicale E.H  dhe ky  i fundit u gjend sot të Durrës i plagosur.

E.H u gjet gjendje të dehur, i shtrirë në trotuar i plagosur me thikë në shpatull gjatë mesnatës në lagjen nr 1 të qytetit të Durrësit.

Detaje:

Më datë 30.04.2017, rreth mesnatës, në lagjen Nr. 1, Durrës, për motive të dobëta, Fatjon Kovaçi 21 vjeç ka goditur me mjet prerës (thikë), shtetasin E.H. 42 vjeç, banues në Durrës. Shtetasi E.H. është gjetur i shtrirë nga Efektivet e Patrullës së Rendit Publik, gjatë kryerjes së shërbimit, rreth orës 00:40 në rrugën”Taulantia” në trotuar. Menjëherë është dërguar në Spitalin Rajonal Durrës për ti dhënë ndihmën e parë mjekësore, i cili aktualisht ndodhet nën kujdesin e mjekëve”- thuhet në njoftimin e policisë.

Burime nga policia bëjnë me dije se personi në fjale kur është gjetur i shtrirë ka qenë ne gjendje të dehur dhe nuk komunikonte dot.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale ” Vrasja me dashje” e mbetur në tentativë. (J.V/Shuplaka)