Autori i masakrës së mbrëmjes së Vitit të Ri në Stamboll, më në fund ka rënë nën prangat e policisë.
Mediat turke raportojnë se terroristi është arrestuar në Esenyurt të Stambollit, gjatë një operacioni blic të forcave special.
‘Daily Sabah’ ka publikuar gjihashtu edhe foto të vrasësit, të quajtur Abdulkadir Masharipov, i cili në momentin e arrestimit ndodhej sëbashku me të birin 4-vjeçar.
Masharipov kërkohej prej 17 ditësh nga policia, i cili vlerësohet se vrasës profesionist nga mediat dhe autoritetet vendase. Në fotot e publikuara, dallon qartë se forcat speciale turke e kanë zhdëpur keq në dru, pasi njërin sy e ka të nxirë dhe rrobat e gjakosura.
Sipas raportimeve, Masharipov është nga Uzbekistani dhe ka mbërritur në Turqi së bashku me bashkëshorten dhe fëmijët 15 ditë para tragjedisë. Mësohet se tre ditë para sulmit, ai e dërgoi të shoqen në pjesën qendrore të Anadollit.
Po ashtu, mediat turke shkruajnë se terroristi ndërroi tetë taksi para së të futej në klubin e natës “Reina”, në Stamboll.
Në dorë mbante dy çanta, një të madhe ku mbante të fshehur automatikun me të cilin kreu masakrën dhe një më të vogël mbante celularin.
Gjatë sulmit të 31 dhjetorit, humbën jetën 39 persona dhe mbetën të plagosur rreth 60 të tjerë. (D.D/Shuplaka)
[ngg_images source=”galleries” container_ids=”797″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
