Policia e Durrësit ka vënë në pranga biznesmenin Enver Shala. Specialistët për Krimet në Komisariatin e Policisë Durrës bënë të mundur kapjen e shtetasit në kërkim dhe fillimin e procedimit penal në gjendje të lirë në ngarkim të 49 vjeçarit, banues në Durrës.
Ky arrestim erdhi pasi disa ditë më parë u shembën 3 katet e fundit të një pallati 20 katësh në Shkëmbi i Kavajës, ndërsa këto të fundit ishin ende në punim e sipër. Këto kate po ndërtoheshin nga bisezmeni Enver Shala. Nga shembja e këtyre 3 kateve nuk pati të lenduar por vetëm dëme materiale nga shembja.
Po kështu tre katet e fundit kanë qenë me konstruksione metalike, të papërfunduara punimet dhe se ndërtuesi nuk dispononte leje ndërtimi.
Detaje:
Më datë 17.02.2017, ora 13:15, tek Shkëmbi i Kavajës, pronë e shtetasit të mësipërm, janë shembur tre katet e fundit. Fatmirësisht nuk ka patur dëme në njerëz, por vetëm dëme materiale. Tre katet e fundit kanë qenë me konstruksione metalike , të papërfunduara punimet, pasi nuk dispononte leje ndërtimi.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale”Shkatërrimi i pronës nga pakujdesia “dhe“Shkelje të rregullave të mbrojtjes në punë”parashikuar në nenet 161 dhe 289 të Kodit Penal. (J.V/Shuplaka)
Discussion about this post